Анатолій Балуценка
4428 МАЛАДАЯ ДУША
Няма як звыклай працы для
нарога,
Яго праз час з'есць, безумоўна,
ржа,
Калi ёсць хваляванне i трывога,
У барацьбе гартуецца душа.
Калi нарог арэ – як срэбра ззяе,
Але знiшчальны для яго прастой,
Так i душа узрост не адчувае,
Як справы клiчуць – будзе маладой.
1.11.2000
4438
ЦУДОЎНАЕ НАТХНЕННЕ
Ляцеў з гары у бездань вадаспад,
У пырскi разбiвалiсь яго воды,
Для плынi берагi былi – як кат,
Ў палёце адчуваўся густ свабоды.
Палёт кароткi, як у зайца хвост,
Адно, але прыемнае, iмгненне,
Ды выпрасталась плынь на поўны рост,
Каб атрымаць цудоўнае натхненне.
2.11.2000
4456 КНIГА
ЖЫЦЦЯ
То сцюжу адчуваю, то адлiгу,
То гора, а то радасць цераз край,
Даўно свайго жыцця гартаю кнiгу,
А на старонках пекла або рай.
Але канец яе яшчэ далёкi,
Да вокладкi багата ёсць лiстоў,
Упэўнена ў жыццi раблю я крокi,
Хоць час асеннi мой ужо прыйшоў.
5.11.2000
4518
САПРАЎДНАЯ КРАСА
Свiдруюць вочы постацi упарта,
I позiрк то цямнее, то гарыць,
Такiя дзеi робяцца для жартаў,
Каб воку на прыгожым адпачыць.
Чапаць хай толькi iншы мае права,
Ды мова не аб тым iдзе зусiм,
Красы сапраўднай ў свеце вельмi мала,
Таму яна належыць, пэўна, ўсiм.
12.11.2000
4519 ПАЛАЦ
СНОЎ
Уяўленне малюе абы-што:
То добрая прыйдзе, то злая фея.
Не ведаеш, што выкiне лато,
Iду адпачываць у стан Марфея.
I далей бачу, нiбы казку, сон,
З палацу сноў выходжу зноў на ганак,
Ў сапраўдны свет мяне выводзiць ён,
Бо за акном ужо шарэе ранак.
12.11.2000
4524 З НАТХНЕННЕМ
Ёсць справа, што не ў сiлах
супынiцца,
Калi выконваць ўжо пачаў яе,
Б'е радасцi бясконцая крынiца,
I стомы ад натхнення не дае.
Цудоўна, як не брыдкай будзе праца,
А стане нават любаю з патрэб,
Заўжды прыемна радасцi кранацца,
З натхненнем зарабляць надзённы хлеб.
13.11.2000
4604 РЭХА
ЛЮБВI
Была калiсьцi лепшая уцеха,
Ды знiкла, нiбы знiчка, праз гады,
Былой любвi, хаця малое, рэха
У сэрцы адгукаецца заўжды.
Калi вядуць ў былое успамiны,
Цi нагадае пра сябе вясна,
Пабачу як падобны твар дзяўчыны,
То рэхам ў сэрцы прагучыць яна.
20.11.2000
4605 УЗЛЁТ
ДУШЫ
К сабе упарта клiча прыгажосць,
Не абысцi жаданую прынаду,
Хоць, як туман, растала маладосць
I засталась ужо далёка ззаду.
Хай за плячыма нават сотня год,
Ды як душу яшчэ хвалюе штосьцi,
Яна, як птушка, здатна
на узлёт,
Адмовiць нельга ёй у маладосцi.
20.11.2000
4629 ШЛЯХ У БУДУЧЫНЮ
Каб не пайшлi ў мiнулае дарогi,
Дзе не асфальт, а усапмiн ляжыць,
Не упускаць патрэбна перамогi,
I ў сэрцы толькi з будучыняй жыць.
Не можа быць на долю нараканне,
I на душы хоць кропелька тугi,
Калi яшчэ пяшчотнае каханне
Масцiць сабой жыццёвыя шляхi.
25.11.2000
4632 АПОШНI КРОК
Апошнi крок. Ён цяжкi самы,
Як пры скачках увышыню,
Схаваны ў ім адзнакi драмы,
Таму апошнi крок цаню.
Бо ён – штуршок да
перамогi
Або да страчаных надзей,
Каб зноўку новыя дарогi
Круцiлi ў вiхары падзей.
25.11.2000
4668 УСМIХАЕЦЦА СОНЕЙКА
Ў сапраўднасцi – заснежаннае ўзлессе,
Ды ў марах ад сунiц пажар якi!
Я пабываць магу ў асеннiм лесе,
Дзе дораць неспакой
баравiкi.
Якое шчасце мець ў дастатку мары,
Як лепшае лякарства ад бяды!
Ў сапраўднасцi у небе ходзяць хмары,
Мне ж сонейка ўсмiхаецца заўжды.
29.11.2000
4677 ШЛЯХI
Хадзiў я балотам i полем,
Праз бор i праз цёмны гушчар,
Шлях радасцю быў або болем,
Благiм або ўзнёслым ад мар.
Хадзiў i над рэчкай лугамi,
Маршрут вабны мне дарагi,
Прыемна, калi пад нагамi
Цiкавыя вельмi шляхi.
30.11.2000
4688 БУРАКI
Бурак чырвоны быў занадта смелы,
Казаў другому: «Я заўжды ў цане,
Хоць ты вялiкi, ды чамусьцi белы,
Таму i выбiраюць ўсе мяне».
Абвергнуў белы домыслы i плёткi,
Бо ён не быў нахабны, горды франт:
«Народ каб лёс заўсёды меў салодкi,
Лепш выбраць бел-чырвоны варыянт».
2.12.2000
4703 НIВА
З якiх крынiц цячэ натхненне,
Дасюль я зразумець не змог.
Мо ў глебу добрую насенне
Рукою шчодрай кiнуў Бог?
I паднялась, як мора, нiва,
Раскiнулася з краю ў край,
Красуе горда i iмклiва,
Саспее хутка ураджай.
3.12.2000
4779 РАНКОВЫ
ЧАС
Сцяжыначкi далёкага маленства
Ў маiм жыццi – найлепшая
з украс,
Iх радасцi не зведаў падабенства,
Хаця пасля шашой хадзiў не раз.
Iх асалоду я забыць не ў змозе,
Бо успамiн прыемнасцi не згас,
Вядома, справа, пэўна, не ў дарозе,
А проста быў ў душы ранковы час.
20.12.2000
4787 РАДАСЦЬ
АСАЛОДЫ
Блакiтным марам не стварыць мяжы,
Палёт у iх прыгожы i высокi,
I лепшыя уяўленнi душы
Узносяцца пад самыя аблокi.
Пасля знiкаюць, нiбы жураўлi,
Але прыносяць радасць асалоды,
Ды хочацца, каб iншыя прыйшлi,
Бо з марамi прыемней жыць заўсёды.
22.12.2000
4814
ВЯСНОВАЯ МРОЯ
Дагэтуль вясновую мрою
У стомленым сэрцы нашу,
Студзёнай зiмовай парою
Яна сагравае душу.
Вясновыя бачу карцiнкi,
Квiтнеючы радасны май,
Час кiнуў на скронi сняжынкi,
Ды мроя не кажа: «Бывай!»
26.12.2000
4844 НОВЫ
ГОД
Белы новы год плыве, як лебедзь,
Снег вакол раскiнула зiма,
Можа рыска ёсць якая-небудзь,
Ды яе ў сапраўднасцi няма.
Праз жыццё iх колькi праляцела,
Ды не ў вырай, а у небыццё,
Новы год зiмой прыходзiць белай,
Абяцае лепшае жыццё.
1.01.2001
4880 НЕ
ЗАБУДУ
Мне лёс нагароду дае,
Бясконца прывабны i любы,
Ласкавыя рукi твае,
Як кiпень, спякотныя губы.
Ўсё пойдзе праз час ў небыццё,
Не хоча трымаць памяць бруду,
Я радасць нясу праз жыццё,
Каханне тваё не забуду.
6.01.2001
4898 АРЭЛI
ЛЁСУ
Як арэлi, ходзяць лёсы,
Iх гайдаюць смелыя,
I змяняюцца палосы
Чорныя на белыя.
Хай ляцяць мае арэлi.
Лёс, мацней iх разгайдай!
Каб палосы не чарнелi,
Каб глядзець за небакрай.
9.01.2001
4910 ШЫРОКI
АБСЯГ
Прада мной ляжыць абсяг шырокi,
Кожнаму даецца ён ў жыццi,
Хоць раблю упэўненыя крокi,
Цалкам мне яго не перайсцi.
Ды хачу прайсцi, як мага болей,
Бо магу скарыцца i трываць,
Сябраваць iмкнусь аддана з доляй,
Каб не ў час яе не абарваць.
11.01.2001
4976 ПЕКЛА
ПАЧАКАЕ
Крок за крокам, крок за крокам
Рушу ў небыццё,
Ды да могiлак далёка,
Бо люблю жыццё.
Хоць яно няшчадна секла,
Ў даль шляхi вялi,
Пачакае яшчэ пекла,
Рай мне на зямлi.
21.01.2001
4983 ЗIМОВАЕ
НЕБА
Зiмовае неба, такое ж, як летам,
Але – як няпрошаны госць,
Быць трэба ў душы рамантычным паэтам,
Каб бачыць яго прыгажосць.
Красунi зiмой–
як без лiсця бярозы,
Ды трэба заглянуць ў душу,
Хоць робяць гады прыгажосцi пагрозы,
Ў зiмовае неба гляджу.
22.01.2001
4996 БАЦЬКОЎСКАЯ
ХАТА
Палацы i высотныя дамы,
Прыгожыя, цудоўныя, як свята,
Але душой сагрэцца можам мы,
Бацькоўская успомнiцца як хата,
I агарод, i яблыневы сад,
Мурог, ступаў дзе босаю нагою.
У думках я вяртаюся назад,
Яны зафарбаваліся тугою.
24.01.2001
5043
БЯСКОНЦЫ ГУШЧАР
Ззяла вясёлка ад радасных мар,
Ява сустрэла сурова:
Цяжка iсцi праз бясконцы гушчар,
Клiча наперад дуброва.
2.02.2001
5045 ПАЛКАЯ
НАДЗЕЯ
Па хвалях цiха ў Лету лёс плыве,
Але пакуль яна яшчэ далёка,
Душа надзеяй палкаю жыве,
I прыгажосцю радуецца вока.
3.02.2001
5067
КРАНАЎСЯ ЗОРАК
Заўжды стане марным iмкненне да зор,
Аддацца мо лепш iншай справе?
Хаця часам чую ганебны дакор,
Ды зорак кранаўся ў уяве.
6.02.2001
5072 ДОБРЫ
СОН
Нiколi сябе не адчуеш iзгоем,
Часовы закончыўся скон,
Прыемна прачнуцца з цудоўным настроем,
Бо добры пабачыўся сон.
6.02.2001
5108
ЖЫЦЦЁВЫЯ СЦЮЖЫ
Пранеслiсь жыццёвыя сцюжы,
I снегам засыпала шлях,
Ды сняцца вясновыя ружы
I снег ад рамонак ў лугах.
13.02.2001
5122 ЦУДОЎНЫ
ШЛЯХ
Я ў марах iду па цудоўным шляху,
I радасць ствараю ў уяве,
У думках шчаслiвай заўжды быць магу,
Хоць шчасця няма ў самай справе.
16.02.2001
5133
ПАВАРОТЫ ЖЫЦЦЯ
Жыццё на паваротах ставiць вехi,
I нават праз гады iх не забыць,
Ды больш той паварот дае уцехi,
Якi дазволiў песцiць i любiць.
18.02.2001
5141 РАДАСЦЬ
Дапякае марозам i снегам зiма,
Ды душа iншым шчасцем сагрэта,
Яна радасць ў сабе адшукала сама:
Успамiны мiнулага лета.
19.02.2001
5176 ХВАЛI
ПЯШЧОТЫ
Пяшчоты хвалi з радасцю лаўлю,
Яны, як божы дар, нябачна льюцца,
Глядзець у глыбiню вачэй люблю...
Звiнiць будзiльнiк, i пара прачнуцца.
23.02.2001
5180 СОНЕЧНЫ
ДЗЕНЬ
Бясконца рады сонечнаму дню,
Душа каб пела, як у маладосцi,
Прыемна абагрэцца ля агню,
Калi яго ў душы запалiць хтосьцi.
24.02.2001
5186 ВЕРАБ'I
Вялiкiх i прыгожых птушак шмат,
Але яны у вырай адлятаюць,
Пакуль вясною вернуцца назад,
То вераб'i душу атаграваюць.
25.02.2001
5198 ЯК
ПТУШАЧКА
Нiяк не расцягнуць звыш нормы гумку,
Заўжды гранiцу моцнасцi мiне,
Як птушачку, злавiць нялёгка думку,
Калi яна ляцiць амаль што ў сне.
27.02.2001
5206 ЧАРЫ
ЛЕТУЦЕННЯЎ
Лепей прытулак знайсцi для сябе,
Хай разбураюцца мары,
З iмi рэальнасць заўжды ў барацьбе,
Ды ў летуценнях ёсць чары.
28.02.2001
5208 КНIГА
ЖЫЦЦЯ
Гартаю старонкi у кнiзе жыцця
I iх аднаўляю ў уяве,
Далёка яшчэ да главы небыцця,
Ёсць месца каханню i справе.
28.02.2001
5257
ЦУДОЎНЫЯ НОТКI
Зiмовы дзень, нiбы хвост зайца, кароткi,
Ад сцюжы маркота адна,
Ў душы загучалi цудоўныя ноткi,
Бо крочыць iмклiва вясна.
9.03.2001
5270 ВАРУШУ
БЫЛОЕ
Як сена на пракосе,
Былое варушу,
Яно, як мара, ў змозе
Натхняць маю душу.
11.03.2001
5281 МРОI
Сапраўднасць чарней чорнай ночы,
Ды светлыя мары штодня,
Лёс гiблай далiнаю крочыць,
Ды ў мроях заўжды вышыня.
13.03.2001
5286 НЕКТАР
Нектар у кветкi, каб здабыць пылок,
На водар пчолы прыляцець павiнны,
Адразу бачна прыгажосць здалёк,
Нектар – спаднiчка мiнi у жанчыны.
13.03.2001
5313 РАДАСЦI
Жыццё радасцi здатна даваць,
Шчасце каб цеплынёй сагравала,
Нельга шчасце нiяк утрымаць,
Калi радасцей ёсць вельмi мала.
17.03.2001
5380
БАЦЬКОЎСКАЯ ХАТА
Шмат паездзiў i бачыў багата:
Гор вяршынi i ружы далiн.
Мiлей сэрцу бацькоўская хата,
Сагравае аб ёй успамiн.
28.03.2001
5381 ДАРОГI
Разышлiся па свету дарогi,
Дзе калiсьцi былi i прайшлi
Маё сэрца i спрытныя ногi,
Шмат яшчэ ёсць дарог на Зямлi.
28.03.2001
5401 У МАРАХ
У марах i добра, i шчасна,
Бо яркiя зоркi ўначы,
I ўдзень свецiць сонейка ясна.
Як iх назаўжды зберагчы?
30.03.2001
5402 БУТОН
Куст ружы ссох, пасыпалiсь пялёсткi,
Здавалась, што чакае хуткi скон,
Ды лёс не быў к яму занадта жорсткi:
Як фенiкс з поплу, вырастаў бутон.
31.03.2001
5472 ПАЖАРЫ
КАХАННЯ
Забудуцца розныя справы i твары
Знаёмых калiсьцi людзей,
Не згаснуць былога кахання пажары
У хвалях бягучых падзей.
8.04.2001
5535 КВЕТКI
Калi навокал кветак вельмi шмат,
На ўсе я запар пазiраць не мушу,
Красу пабачыць позiрк толькi рад,
Цнатлiвую таму шукаю ружу.
15.04.2001
5544 БАГАТЫ
ЎРАДЖАЙ
Час кiнуў пялёсткi чарэшнi на скронi,
Ляжаць яны сцiпла няхай,
Бо сею яшчэ я жыццёвыя гонi,
Багаты чакаю ўраджай.
16.04.2001
5550 ЖАДАННЕ
ПАГРЭЦЦА
Дагарае вогнiшча кахання,
Полымя ў вугольчыках бяжыць,
Ды пагрэцца ёсць яшчэ жаданне,
Час прыйшоў агонь паварушыць.
17.04.2001
5551 СВЕЖЫ
ВЕЦЕР
Лёс прасi цi не прасi,
Робiць ён ўсё сам iмклiва.
Свежы вецер ў ветразi
Для душы якое дзiва!
17.04.2001
5569 БОЛЬШ
АКIЯНА
Малы i слабы чалавек параўнальна,
Пясчынка ў сусвеце амаль,
Але у яго душа больш акiяна,
Пачуццяў ў ёй болей, чым хваль.
19.04.2001
5584
КАРАЛЕВА
Я – папялушка па
выбару долi,
Маю ў дастатку бяды,
Ды не была ёй у думках нiколi,
Ў іх – каралева заўжды.
20.04.2001
5604 ЛЕТНЯЕ
ШЧАСЦЕ
Вясновыя скончылiсь страсцi,
Далёка час зiмнiх акоў,
Мне лета спявае аб шчасцi
I дорыць удосталь любоў.
22.04.2001
5612 СУМ I
РАДАСЦЬ
Асеннi сум з халоднаю душою,
Бо прыйдзецца зiму перачакаць,
Ды радасць абуджаецца вясною,
Вясна душу у змозе саграваць.
24.04.2001
5641
ЦУДОЎНАЯ КРЫНIЦА
Не прыйдзецца пiць горкую тугу,
I лёсу нежаданаму скарыцца,
Не высахне ручай, як на шляху
Спаткаецца цудоўная крынiца.
28.04.2001
5648 КРЫЛЫ
МАР
На скронi лёг ужо туман густы,
I маладосць пацiху ўшчэнт знiшчае,
Не ў стане сапсаваць душу гады,
Яна на крылах мар яшчэ ўзлятае.
30.04.2001
5660 ВЯСНОВЫ
ХМЕЛЬ
Я хмельны, калi назiраю прыроду,
Ды радасць мая – не ў вiне,
Сады зацвiлi, каб дарыць асалоду,
За хмель вельмі ўдзячны
вясне.
1.05.2001
5716 УКРАСА
ЖЫЦЦЯ
Усход i захад, захад i усход,
Яны не толькi вымярэнне часу,
Iдзе бясконца iхнi карагод,
Дае натхненне i жыцця украсу.
8.05.2001
5731
НЕДАРЭЧНЫ ЖАЛЬ
Прыемней мерседэс i магiстраль,
Па сцежачцы iдзеш, як недарэка,
Ды гэта вельмi недарэчны жаль:
Зусiм не пагражае небяспека.
10.05.2001
5739 ЗОЛАТА
ПЛАДОЎ
Праходзiць хутка белых яблынь дзiва,
Спадуць пялёсткi, нiбы снег, на дол,
Звычайна лета прабяжыць iмклiва,
Ды ўзнёсласць дае золата пладоў.
10.05.2001
5805 МУЖНЫЯ
СЫНЫ
Не разарваць нiколi ланцугi,
Калi змiрыцца цiха з кайданамi,
Пакорлiвы адзiн, рве сталь другi,
Радзiма слаўна мужнымi сынамi.
20.05.2001
5806 ШЛЯХ
УСХОДУ
Заходзiць сонца – смутак у вачах,
Счарнелi горы, ў цемразi далiны,
Але усход пачне калiсьцi шлях,
Заззяе зноўку сонца для краiны.
20.05.2001
5819 ГЛЯДЖУ
НАПЕРАД
Сляды мае запарушыла часам,
Iх нельга разглядзець ўдалечынi,
Ды да жыцця я быў заўсёды ласым,
Гляджу наперад ў будучыя днi.
22.05.2001
5856 КВIТУЧЫ
МАЙ
Цудоўны, светлы май заўжды,
Чароўныя яго гадзiны,
Ён упрыгожвае гады,
Ў жыццi квiтучы май адзiны.
29.05.2001
5871 ХУТКI
ЧАС
Не утрымаць iмклiвы час нiчым,
Руйнуе ён i горы, i далiны,
Але спрачацца можна нават з iм:
Вяртаюць хуткi час назад ўспамiны.
31.05.2001
5901 РАМАНТЫКА
Рамантыка – душы каштоўны дар,
Бо хочацца магутныя мець крылы,
Не далячу да сонца, як Iкар,
Але iмкнусь махаць, пакуль ёсць сiлы.
2.06.2001
5923
ЧАРОЎНАЯ СIЛА
Бяру у рукi грудачкi зямлi,
Не бачу, ў чым чароўная iх сiла,
Ды ураджай штогод даюць палi,
Iнакш жыццё б у вечнасць рух спынiла.
5.06.2001
5963 УРАДЖАЙ
Раскiдаю сваё збожжа
Ва ўрадлiвую зямлю,
Яна справе дапаможа,
Я ўраджай, як цуд, люблю.
11.06.2001
5980 ЖЫВАЯ
ПТУШАЧКА
Калi душу вясёлка зафарбуе,
I цвет бялюткi дасць ёй водар свой,
Душа палёт увышыню адчуе,
Як птушачка, становiцца жывой.
13.06.2001